| salwa | التاريخ: الخميس, 2012-08-30, 7:32 PM | رسالة # 1 |
|
عضو
مجموعة: Administrators
رسائل: 25
حالة: Offline
| قصيدة انا موهوب
.. [color=purple]للشاعر حسن صلاح
أنا موهوب .. أنا موهوب
أنا من كل الناس محبوب
وعشان ما انا باحب الناس
بارسم صوره وفيها قلوب
وارسم إيد بتساعد إيد
وارسم ضحكة أخويا وليد
وارسم بابا بيضحك ليّا
وهوّا جايب لى هدوم العيد
وارسم كورتى مع الدبدوب
أنا موهوب .. أنا موهوب
أنا من كل الناس محبوب
وانا باكتب شعر وحكايات
وارسم صورى بالكلمات
باكتب عن شاطر وأميره
وبساط سحرى ومغامرات
ويكون الشرّ المغلوب
أنا موهوب .. أنا موهوب
أنا من كل الناس محبوب
وانا غاوى أمثّل وأغنِّى
وأسمّع كل الكون فنِّى
وأغنِّى لأهلى وبلادى
واسبق بالعلم يا ناس سنِّى
وابقى الشمس ماليها غروب
أنا موهوب .. أنا موهوب
أنا من كل الناس محبوب
وانا دايماً أوّل فى رياضتى
فيها حياتى وفيها سعادتى
جسمى رياضى وعقلى نشيط
وبذاكر ومقسّم وقتى
على فصلى الأول وأروب
أنا موهوب .. أنا موهوب
أنا من كل الناس محبوب
وعشان ما انا باحب الناس
بارسم صوره وفيها قلوب [/color]
$IMAGE1$
|
| |
| |
