[size=22][color=purple]حلقة 1 و اهم حلقة ..

الاسعافات الاولية : هى العناية الفورية التى يتلقاها الضحية فور حدوث الحادث او مرضه المفاجئ

المكان :
مش المستشفى .. لان المستشفى هى مكان الوسيلة الرابعة فى الانقاذ.

____________________________________________

scene survey ( استكشاف مسرح الحادث ) :

الخطوة دى مش بتاخد غير ثوانى معدودة !!!!

1- ابص ع المكان كله واشوف اذا في خطر على الحالات او عليا او على الناس فى المكان ده ولا لا !! ( يعنى ياترى انا فى نص الطريق مثلا ولا ايه .. ولو كان كده بافضل انك تحاول تقفل الطريق عشان ماتحركش الضحايا اللى عندك . انت لسا مش عارف فيهم ايه . )

2- لو وصلت متأخر بعد الحادثة اسأل ايه اللى حصل عشان تبقى عارف الخبطه ازاى !!

3- تشوف عدد الضحايا كام !! وكده نكون خلصنا الخطوة دى ( بس من فضلك تانى مجرد ثوانى )

___________________________________________

ندخل فى خطوة المساعدة المبدأية : ( دى فى اقل من دقيقه )

دلوقتى انا حددت عدد الضحايا وليكن مثلا ضحية واحده

1- بابتدى اشوف هو فى حاجة تهدد حياته ولا لا !! محتاج فيرست ايد ولا لا !! يعنى يا ترى في ( كسور - نزف - صدمة .... الحاجات اللى هاشتغل عليها يعنى )

2- بعد كده باحاول اشوفه صاحى ولا لا !! بانادى بصوت عالى او ازعق جنبه يعنى احاول احط ايدى عليه ( اهزه يعنى ) بس مش جامد وخلى بالك مش فى مكان اصابه ! خلى بالك و انت مشغول مع المصاب لازم حد يكلم الاسعاف يبلغه بمكان الحادث و العدد التقريبى للمصابين ... كل ما وصل الاسعاف أسرع كل ما كانت فرصة النجاه أعلى ...

3- دى اهم خطوة وهى عبارة عن ABC يعنى :

A= Airway بأميل راسه وارفع ذقنه لفوق

B= breathing هاتأكد ازاى انه بيتنفس !! ( احط ودنى جنب مناخيرة وبؤه واسمع صوت الهوا .. او اتابع حركة صدره )

C= circulation اتأكد انه فى نبض وقلبه شغال عن طريق انى هاحس النبض فى ايده لمده 10 ثوانى بس
=====================
تابعنا في كورس الأسعافات الأولية ..